Ел қоржынына алғашқы алтын түсті

Лейк-Плэсидте (АҚШ) өтіп жатқан ХХХ Дүниежүзілік Қысқы Универсиадада ел қоржына алғашқы алтын жүлде түсті, деп хабарлайды Ortalyq.kz Qazaqstan.tv сайтына сілтеме жасап.

Биатлон жарысы бойынша 15 шақырым қашықтықта жекелей сынға түскен Вадим Куралес алтыннан алқа тақты.

Күміс жүлде норвег Орьян Мосенгке бұйырса, қола жүлдені француз Алекс Гарнье иеленді.

Сонымен қатар тағы бір отандасымыз Александр Мухин алтыншы болып мәреге жетті.