Димаш Құдайбергеннің жаңа бейнебаянының тұсауы кесілді

Бейнебаянға Қытайдан келген 70-тен астам маман тартылып, шығармашылық топ жұмыс істеген, деп хабарлайды ortalyq.kz Egemen.kz сайтына  сілтеме жасап.

Кеше Ыстамбұлда Димаш Құдайберген «When I’ve got you» атты жаңа туындысына арналған бейнебаянның тұсауын кесті. Премьера өнерпаздың Түркияда өтетін жеке концертіне байланысты баспасөз конференциясы аясында өтті. Бейнебаянның негізгі идеясы Димаш пен бейнебаянның режиссері Ғалым Асыловқа тиесілі.

Ғалым Асылов пен жобаның екінші режиссері әрі желілік продюсер Жәнібек Ғұсманов түсірілім барысы өте қызық болғанын және Алматыда өткенін айтты. Дәл сол жерде бас кейіпкердің костюмі тігіліп, қазақстандық мамандармен бірге әншінің бүкіл образы жасалған.

– Кастинг оңай болған жоқ: басты кейіпкердің рөліне көптеген актрисалар мен модельдер өз бақтарын сынады. Ежелгі антикалық мәдениетті іздеу қиынға соқты.  Шығармашылық команда интерьердің әрбір элементінде, костюмнің әрбір деталында және әрбір кадрда жұмбаққа толы оқиғалар жасауға тырысты, – дейді Ғалым Асылов.

Материалды әзірлеген Ілияс ДҮНГЕНБАЙҰЛЫ.