Әділет министрлігі көлікті жылыту нормасын қайта қарайтын болды
Көлікті 5 минуттан артық қыздыруға қатысты ережені қайта қарау жөнінде депутаттар бастама көтерді. Мәселені шешу үшін арнайы ведоствоаралық комиссия құрылады.
— Комиссияның құрамына тек мүдделі мемлекеттік органдар ғана кірмейді, бізде Парламент депутаттары да бар, ғылыми қауымдастық бар. Өйткені диспозиция тұрғысынан да, санкциялар жағынан да теңгерімді түрде өзгерістер енгізу өте маңызды. Олай болса, осы тақырып бойынша депутаттық сауал болса, бұл мәселе көтеріліп, талқыланатын болады. Нәтижелер туралы қосымша ақпарат шолудан кейін беріледі деп ойлаймын, – деді Жақселекова.
Оның айтуынша, ведомствоаралық комиссияның құрамына 10-ға жуық мемлекеттік орган кіреді.
Айта кетейік, қазіргі айыппұл 19 660 теңге. Ал жүргізуші екінші рет ережені бұзса 39 320 теңге айыппұл салынады.
Материалды әзірлеген Аида РАХЫМҚҰЛОВА
