Әдеп жөніндегі кеңес отырысы өтті
Аймақта әдеп жөніндегі кеңестің кезекті отырысы өтті. Онда күн тәртібіне сәйкес бірқатар профилактикалық сұрақтар қарастырылды, деп хабарлайды Ortalyq.kz МҚІД Қарағанды облысы бойынша департаментінің баспасөз қызметіне сілтеме жасап.
Атап айтқанда, мемлекеттік қызметшілерді оқытудың жағдайы, мемлекеттік қызметтік автокөлікті мақсатқа сай пайдалануына жүргізілген талдаудың қорытындысы шығарылды. Сондай-ақ, Шет ауданының әкімінің және Қарағанды облысы білім басқармасы басшысының мемлекеттік қызмет және сыбайлас жемқорлыққа қарсы іс-қимыл туралы заңнаманы бұзушылықтардың алдын алу бойынша жүргізілген жұмыс нәтижелері туралы баяндамалары тындалды.
Отырысқа өзге мемлекеттік органдардың өкілдері онлайн форматта қатысып, туындаған мәселелерге жауап берді.
Кеңес қорытындысы бойынша мемлекеттік қызмет тәртібін нығайтуға бағытталған бірқатар профилактикалық ұсынымдар берілді.
Материалды әзірлеген Ербол ЕРБОЛАТ.
