Дәрігерлер Қарағандыдағы балалардың жаппай улану фактісі туралы айтты
Қазір уақытта барлығы 12 бала уланғаны белгілі, бір баланы құтқару мүмкін болмады. Алты бала өте ауыр жағдайда жансақтау бөлімінде.
– Қазіргі таңда біздің орталықта тоғыз бала ем алып жатыр, олардың 4-уі ауыр жағдайда жансақтау және қарқынды терапия бөлімінде. Олардың барлығы аппаратпен тыныс алуда, яғни инвазивті желдеткіште. Балалардың жағдайы өте ауыр. Олар барлық қажетті қарқынды терапияны алуда. Дене сұйықтықтары вирустар мен бактерияларды және мүмкін басқа экзогендік заттарды зерттеу үшін алынды. Балалардың жағдайы зерттеу нәтижелеріне қарай белгілі болады, – деді облыстық клиникалық аурухананың инфекциялық орталығының басшысы Ержан Жүнісов.
Дәрігердің айтуынша, Қарағанды балалар ауруханасының жансақтау және қарқынды терапия бөлімшесінде тағы да өте ауыр жағдайдағы екі науқас бар. Олар да өкпені жасанды желдету аппаратына қосылған. Балаларға қажетті көмек көрсетілді. Республикалық деңгейдегі дәрігерлерден кеңес алынған.
Аида РАХЫМҚҰЛОВА,
Ortalyq.kz
