Былтырғы жылдың чемпиондары биыл плей-офф-қа өте ала ма?

Қарағандылық «Сарыарқа» хоккей клубы өз алаңында көкшетаулық «Арлан» хоккей клубын қабылдап, екі кездесуінде де жеңіліп қалды.

Алғашқы кездесуде жерлестер 4:6 есебімен есе жіберген болатын. Қарымта кездесуде 1:4 есебімен жеңіліп қалды.

Айта кетейік, көкшетаулық клуб ел чемпионатының турнир кестесінде 63 ұпаймен көш бастап тұр. Одан кейінгі сатыда «Хумо» және «Номад Астана» клубы өкшелеп келеді. Ал, жерлестер 37 ұпаймен VIII орында. Әзірге чемпионаттың плей-офф кезеңіне өтуге мүмкіндіктері бар.

Ал, ол кезеңге тек сегіз команда жолдама ала алады. Алда әлі төрт ойын бар. «Хумо» клубын өз алаңында қабылдаса, «Алматымен» сырт алаңда кездеседі.

Ербол ЕРБОЛАТ,
Ortalyq.kz