БОЛАТ ЖОЛДЫҢ БЕРЕКЕСІ
«Теміржол – экономиканың күретамыры» деп орынды айтылған. Адамзат ғұмырында болат жолдың бойымен қыруар жүк тасымалданып, мыңдаған жолаушылар діттеген жеріне жетеді. Қарағанды жүк тасымалдау бөлімшесінің Балқаш станциясы халық шаруашылығы жүктерін тасымалдауда игілікті іс тындырып келеді.
Үлкен ұжымға «Қазақстанның құрметті теміржолшысы» Аманжол Омаров жетекшілік етеді. Уақыт талабына сай теміржол саласында да инвестиция тарту дамудың негізгі өзегіне айналып отыр. Яғни, теміржол қызметін пайдаланудың заманауи бағдарламасы кеңінен енгізіле бастады. Соның бастысы апатсыз, ақаусыз еңбек, жұмыс тәртібін қалыптастыру. Ұжымдағы 120-ға тарта жұмысшы-маман осы талап тұрғысынан еңбек етуде. Балқаш №1 станциясы үлкен бір теміржол торабын құрайды. Мәселен, Ағадыр, Мойынты, Қарағанды, Сортировка, Саяқ, Ақтоғай, Достық станциялары ежелден негізгі теміржол торабы болып табылады. Қызмет көрсетудің жаңа үлгісіне сай локомотив пайдалану, жедел вагон деполары, Балқаш станциясы ұжымдары бірлесе, берекелі іс тындырып, жоспар биігінен көрініп отыр.
Оралбек ЖҮНІСҰЛЫ
Балқаш қаласы.
