Жаңалықтар

Бір шаңырақ астында

Қарағанды аймағында 130-ға жуық этнос бейбітшілік пен келісімде өмір сүруде. Облыстық Қазақстан халқы Ассамблеясының XXIV сессиясына қатысушылар егеменді мемлекеттің жалпы тарихы, құндылықтары мен жетістіктері туралы әңгімеледі.

Қарағандының Достық үйіне этномәдени бірлестіктердің жетекшілері, қоғам қайраткерлері, жастар көшбасшылары жиналды. Қонақ ретінде ҚР Парламенті Мәжілісінің депутаты, Қазақстан халқы Ассамблеясы Кеңесінің мүшесі Шәміл Осин қатысты.

– Жас мемлекетімізді нығайту үшін бірлесе еңбек етеміз. Мереке қарсаңында 30 жылды қорытындылануда. Ендігі тарихты біз сіздермен бірге жазамыз. Ассамблея мүшелерінің арасында табысты кәсіпкерлер, меценаттар, спортшылар, дәрігерлер, мұғалімдер, еріктілер аз емес, – деді облыс әкімі Жеңіс Қасымбек.

Аймақ басшысы ҚХА-ның азаматтық қоғамды қалыптастырудағы және әлеуметтік дамудағы рөлін атап өтті. Оның қамқорлығымен «Мың бала», «Ұлы Даланың ұлтаралық тілі» және тағы да басқа білім беру және ғылыми-зерттеу жобалары табысты жұмыс істеуде. Облыстың этномәдени бірлестіктері жанында 41 лингвистикалық сынып жұмыс істейді. Онда ана тілі мен мемлекеттік тіл оқытылады. Сессияда қоғамды біріктіруге, бейбітшілік пен келісімді нығайтуға ықпал ететін жаңа бастамалар туралы айтылды. «Вайнах» шешен-ингуш бірлестігі Saryarqa облыстық телеарнасымен бірлесе отырып, халықтар достығы және мейірім мен қонақжайлылық үшін қазақтарға алғыс білдіру туралы «Үлкен өңір» жобасын жүзеге асырды. Облыстық ҚХА ғылыми-сараптамалық тобы жастардың қандай құндылықтары маңызды деген тақырыпта зерттеу жүргізді. Теміртау қаласының жас белсендісі Алёна Хегай өз баяндамасын еріктілер қозғалысын дамытуға арнады. Ол қала әкімінің грантын жеңіп алып, мемлекеттік тілді үйрену және ұлттық салт-дәстүрді насихаттау үшін сөйлесу клубын ұйымдастыруға ниетті. Сонымен қатар, Теміртау еріктілері қаланы көгалдандыруға көмектеседі.

«Жомарт жүрек» жобасының жеңімпазы, меценат Нұрлан Қалтаев туған өлкеге көрсеткен көмегі туралы баяндады. Қарқаралы ауданы Қоянды ауылының тумасы мектептің сақталуына көмектесіп, балаларға арналған спорт клубының негізін қалаған және игі істерін жалғастыруда. Сессияда облыстық ҚХА төрағасының жаңа қоғамдық орынбасарлары сайланды. Олар облыстық ҚХА ғылыми-сараптама тобының жетекшісі Вилен Молотов-Лучанский және «Қазақстан» республикалық телерадиокорпорациясы облыстық филиалының директоры Берік Дүйсетаев болды.

Облыс әкімінің баспасөз қызметі.

Басқа материалдар

Back to top button