Bilimal һәм бірегей бастама
Қарағандыда Halyk Bank өкілдері Bilimal білім беру платформасымен бірлесіп, 5-11 сынып оқушыларын ынталандыруға бағытталған бірегей бастаманы іске қосты. Енді Bilimal-да тіркелген Қарағанды облысының оқушылары формативті бағалаудағы (ФО) әрбір 10 балл үшін Halyk Bank-тың 100 бонусын алады.
Жобаның бастамашысы – «Қазақстан Халық Банкі», «Өрлеу» инновациялық технологиялар орталығы» ЖШС және «Күнделік» ЖШС.
– Бағдарлама оқушылардың білім деңгейін арттыруға ынталандырып, сондай-ақ олардың қаржылық сауаттылығын дамытуға бағытталған. Бұл мектеп оқушыларына жақсы оқып қана қоймай, смартфон арқылы сатып алу ақысын төлеуге мүмкіндік береді. Бағдарламаның жұмыс істеуінде белгілі қиындықтар жоқ. Bilimal жүйесіндегі әрбір 10 ұпай үшін Halyk Easy картасы болған жағдайда шотқа 100 бонус есептеледі. Бонустарды Halyk қосымшасында және Halyk POS-терминалдары бар мекемелерде пайдалануға болады. Максималды есептеу – айына 1000 бонус. Оны есептеу баға қойылғаннан кейін 24 сағат ішінде автоматты түрде жүзеге асырылады, – дейді облыстық білім басқармасының бас маманы Гүлдана Нұрсұлтан.
Қосымшаға EduMark 2.0 мобильді қосымшасы арқылы ата-анасының шотымен тіркелген жөн. «Таспа» бөлімінде Halyk easy баннерін басып, бағдарламаның шарттарымен танысып, деректерді өңдеуге және беруге келісім беру керек. Нұсқауларды орындау арқылы балаға Halyk Easy картасын ашасыз. Halyk Kazakhstan қосымшасын орнатып, сәтті тіркелгеннен кейін бонустар оқушының шотында автоматты түрде есептеледі.
Есептелген бонустардың мөлшері Halyk қосымшасында көрсетіледі. Алайда, тоқсандық бағалар, өткен материалдың бөлімі үшін жиынтық бағалар бағдарламаға қатыспайды. Бонустар жүру үшін ата-ананың картасы бұғатталмаған болуы тиіс.
Аяулым СОВЕТ,
«Ortalyq Qazaqstan»
