Білім бәсекесінде басым болды

Әбілқас Сағынов атындағы ҚарТУ-дың студенттері Республикалық пәндік студенттік олимпиадаға қатысып, жүлделі орынға қол жеткізді.

Алматы қаласы Қ.Сәтпаев атындағы Қазақ ұлттық техникалық зерттеу университеті базасында өткен республикалық пәндік олимпиадаға еліміздің әр түрлі университеттерінің 6 командасынан 18 студент қатысты.
Аталмыш білім бәсекесіне Ә. Сағынов атындағы ҚарТУ-дың студенттері Е.Нартбай, А.Мұсабай, Г.Манаевалар қатысып, жоғары жетістікке қол жеткізді. Олимпиада “Жалпы металлургия”, “Металлургиялық процестер теориясы”, “Металлургиялық процестер технологиясы” атты үш пән бойынша өтті.
Студенттер осы берілген пәндер бойынша тапсырмаларды 3 сағат ішінде орындаулары тиіс еді.
Олимпиада қорытындысы бойынша ҚарТУ студенті Айбек Мұсабай үздіктер қатарына еніп, ІІ орынға ие болды.
Топ жетекшісі Нұрлан Берікұлы мен қатысушы студенттер Алғыс хаттармен марапатталды.

                                                                                                                                 Ілияс ДҮНГЕНБАЙҰЛЫ