Балаларға скринингтік диагностика жүргізді

Аймақта алғаш рет аутизмі бар балаларды қолдау Орталығының мамандары Қарағанды қаласының №3 емханасында балаларға скринингтік диагностика жүргізді. Іс-шара Дүниежүзілік аутизм мәселесі туралы ақпарат тарату күніне орайластырылған.

Скрининг процедурасынан 3 жасқа дейінгі балалар өтті. Процедурадан өткен 4-інен аутистік спектрі бұзылуының белгілері анықталды. Ата-аналарға Аутизмі бар балаларды қолдау орталығына қабылдау бойынша ұсынымдар және аутизм спектрінің бұзылуын одан әрі еңсеру жөніндегі іс-қимыл алгоритмі берілді.

Осындай аутизмді ерте анықтауға арналған скринингтер бекітілген кесте бойынша 10 сәуірге дейін Қарағанды және Теміртау қалаларының емханаларында жүргізілетін болады.

Аида РАХЫМҚҰЛОВА,

ortalyq.kz