Балғын бишілер бағындырған белес

2004 жылы «Молодежный» Мәдениет үйінің базасында «Best» заманауи хореоргафиялық би ұжымының іргетасы қаланған еді. Содан бері талай белестерді бағындырды. Халыққа өнерімен танылды. Ел алдында жүрген би ұжымына биыл – 20 жыл. Бүгінде сол ұжымда 130-дан астам биші өнер көрсетуде.

20 жыл ішінде аталмыш ұжым өзінің шығармашылық жолында көптеген жетістікке жетті. Бірнеше рет Халықаралық конкурстардан Гран-При иеленген. Бұған дейінгі жетістіктерін айтпасақ та, биылғы көрсеткіштері де ауыз толтырып айтарлықтай.

Атап айтсақ, Қарағандыда өткен Халықаралық чемпионатынан – Гран-При, Алматыдағы «Firework of stars» Халықаралық байқауынан І орын жеңіп алған.

– «BEST» заманауи би мектебі әрдайым ізденіс жолында. Өзінің шығармашылығын үнемі аудан жұртшылығына тарту етіп, көптеген облыстық, қалалық іс-шараларға қатысып жүреді. Түрлі фестивальдер мен байқаулардың жеңімпаз болуы ұжымның шығармашылық әлеуетін жылда өткізілетін есептік концерттерде көрсетеді. Кәсіби деңгейде өсу, тұрақты құрам, алуан түрлі репертуар – осы қасиеттер көптеген жылдар бойы ұжымның табысты болып қалыптасуына және дамуына ықпал етеді, – деді би тобының жетекшісі Болат Бекбаев.

Ербол ЕРБОЛАТ,
Ortalyq.kz