Референдумнан балқаштық спортшылар да қалыс қалған жоқ. Бокстан екі дүркін Азия чемпионы Ерасыл Ермек №193 сайлау учаскесіне барып, дауыс берді.
– Бүгін біз, өз таңдауымызды жасадық. Референдумда дауыс беріп, таңдау жасау әр қазақстандықтың асыл парызы. Еліміздің көк туын желбіретіп жүрген спортшы ретінде, осы елдің азаматы ретінде болашағымыздың жарқын болғанын қалаймын. Саяси науқанға биыл үшінші рет қатысып тұрмын. Мен үшін бұл референдумның маңызы жоғары, – дейді Азия чемпионы Ерасыл Ермек.
Айта кетейік, балқаштық боксшы Ерасыл Ермек жақында ғана Қостанайда өткен ересектер арасындағы халықаралық турнирде күміс жүлдегер атанды. Байрақты бәсекеде Өзбекстан, Ресей, Германия, Тәжікстан және Қырғызстанның спортшылары бақ сынаған болатын.
Нұрдос КӘРІМ,
ortalyq.kz
БАЛҚАШ
