Кеше Балқаш қаласындағы Шашубай ықшам ауданында өрт шығып, пәтердегі күллі зат пен жиһаз өртеніп кетті. Өрт сөндірушілер оқиға орнына дер кезінде келгенімен, бөлмедегі барлық затжанып кеткен.
Өрт шамамен сағат 16:45-те басталған. Өрт бес қабатты тұрғын үйдің бесінші қабатында шығып, төрт шаршы метр аумақты шарпыған. Салдарынан тұрмыстық заттар мен жиһаздар жанып кетті. Өртті сөндіру үшін 11 адам мен үш техника жұмылдырылған.
Мамандардың көмегімен өрт сағат 17:26-да сөндірілді. Абырой болғанда қаза тапқандар мен зардап шеккендер жоқ.
Ербол ЕРБОЛАТ,
Ortalyq.kz
