Балқашта қоғамдық тәртіпке бақылау күшейді

Балқашта қала қауіпсіздігін арттыру мақсатында жаңа автобус аялдамаларына бейнебақылау камералары орнатылып жатыр.

Биыл қалада 34 жаңа аялдама павильоны орнатылған. Олардың бірі – жылытылатын үлгіде. Барлық павильондар заманауи бейнебақылау жүйелерімен жабдықталуда. Қала бойынша барлығы 532 камера жұмыс істеп тұр. Оның 138-і бұрылмалы, 394-і стационарлық.

Мамандардың айтуынша, бұл жүйе қоғамдық тәртіпті қадағалауға және бұзақылық әрекеттердің алдын алуға мүмкіндік береді.

Аяулым СОВЕТ