Балқаш қаласында алдағы үш жылда 124 шақырым құбыр желілері ауыстырылады. Одан бөлек, биыл 12 көшеге орташа жөндеу жұмыстары жүргізіледі. Ал, келесі жылы тағы 8 көше жөндеуден өтпек. Балқашқа жұмыс сапарымен барған облыс әкімі Ермағанбет Бөлекпаев бірқатар әлеуметтік маңызы бар нысандарды аралап, аталған жұмыстардың барысымен танысты.
Қаладағы су құбыры желісі 85%-ға тозған. Алдағы үш жылда олардың бәрі жөнделіп, қалпына келтіріледі.
Жолдар жөнделіп болған соң, тротуарлар, асфальттау және инженерлік желілер жүргізілетінін айту керек.
Сондай-ақ, биыл қалада 18 аула абаттандырылады. Заманауи балалар ойын алаңдары, футбол алаңдары мен тренажер орнатылады. Жарықтандыру жүргізіледі.
Ербол ЕРБОЛАТ,
Ortalyq.kz
