АймақЖаңалықтар
Балқаш әуежайын қайта жаңғырту жұмыстары басталды
Балқаш қаласының әуежайы қайта жаңартылуда. Жобаның жалпы құны 3,8 млрд теңгені құрайды. ҚР Көлік министрлігі баспасөз қызметінің мәліметінше бас мердігер «ҚАЗАХДОРСТРОЙ» ЖШС құрылыс-монтаж жұмыстарын бастап кеткен. Қазіргі уақытта асфальтбетон жабындарын төсеу аяқталып, көлік жолының негізі жол төсеніші дайындалуда.
![](http://ortalyq.kz/wp-content/uploads/2024/06/17655293_0_-1_1274_720_2072x0_60_0_0_26e9019e8d766334ea18a24184b412d4.jpg)
– Әуежай терминалын күрделі жөндеуден өткізіп, арнайы көліктік қызмет көрсету ғимаратын салу жоспарлануда. Әуежай инфрақұрылымын жаңғырту қала мен туризм аймағын дамытуға жаңа мүмкіндіктер туғызады деп күтілуде, – деп атап өтті Көлік министрлігінің баспасөз қызметі.
Естеріңізге сала кетейік, Балқаш әуежайы 1967 жылы салынған, соңғы рет жөндеу жұмыстары 2007 жылы жүргізілген болатын.
Ілияс ДҮНГЕНБАЙҰЛЫ.