«Балқаш барысы» АҚШ-тағы салтанатты шараға ұлттық шапанмен келді

Даңқты жерлесіміз, Балқаш қаласының Құрметті азаматы, Атланта олимпиадасының чемпионы Василий Жиров Аризона штатының ұлттық гвардиясы мен Қазақстан арасындағы ынтымақтастықтың орнауына 30 жыл толуына орай АҚШ-та өткен салтанатты шараға қазақтың ұлттық шапанын киіп келді. Бұл туралы боксшының Instagram парақшасында салынған суреттерінен мәлім болды.

Аталмыш шараға атақты спортшы қонақ ретінде шақырылған. Өзінің айтуынша экс-чемпион мерейтойлық шараға қазақтың ұлттық шапанын киіп келіп, Қазақстаннан келген өнерпаздар «Тұран» тобы мен Әйгерім Алтынбекке қолдау көрсеткен.

Естеріңізге сала кетейік, Василий Жиров бүгінде АҚШ-тың Аризона штатында тұрады.

Ілияс ДҮНГЕНБАЙҰЛЫ