Бағаналар орнатылып, көше шамдары қойылды

Биыл Бұқар жырау ауданының Үміткер ауылдық округіне қарасты үш ауылда бағаналар қазылып, орнатылып, көше шамдары қойылды.

Атап айтқанда, Үлгі және Төрткөл ауылдарында он-оннан, ал Үміткер аулында 37 бағанаға шамдар қойылып, көшелер жарықтана түсті. Осы жолы Үміткердегі соңғы 17 бағананың шамдары электр желісінің тогына қосылды.

– Біздің 1 970000 мың теңгеге тапсырыс берген бұл жұмыстарды мердігер ұйым “ZARYA” ЖШС дер кезінде атқарып шықты, – дейді Үміткер ауылдық округінің әкімі Ерсін Зәлелов. – Ауылдарымызды сәулеттендіру ісін одан әрі жалғастыра береміз.

Ержан ИМАШ,
Бұқар жырау ауданы
Суреттер ұйымдастырушылардан