Бұрынғы Төтенше жағдайлар министрі Юрий Ильинге қатысты тексеріс жүргізіледі – ІІМ

Министр Марат Ахметжанов құқық қорғау органдары Абай облысындағы өртке байланысты жауапты тұлғаларға тексеріс жүргізетінін айтты.

– Президент Бас прокурорға тапсырма берді, соның аясында тексеру жүргізіледі. Өрт дерегінің өзі төтенше жағдай, адамдар қаза болды. Неге дер кезінде шара қолданылмады? Мүмкін салғырттық таныту, қызметтік міндеттерін дұрыс атқармауынан, осының барлығы қылмыстық іс аясында тексеріледі, – деді Ішкі істер министрі.