Қазақстан Қарулы күштерінің Байланыс әскерлеріне – 30 жыл

1994 жылғы 31 қазан күні Қорғаныс министрінің директивасына сәйкес ҚР Қарулы күштері Бас штабының Байланыс басқармасы құрылды.

Бүгінде әскери байланысшылардың жарақ құрамында станциялар, әмбебап мобильді кешендер және командалық-штабтық машиналар бар. Осы техникалық құралдар мен жаңа технологиялар арсеналының көмегімен байланыс әскерлерінің мамандары Қорғаныс министрлігінің оқу-жаттығулары мен ауқымды іс-шаралары кезінде күнделікті қызметте құрамаларды, бөлімдер мен бөлімшелерді үздіксіз және тұрақты басқаруды қамтамасыз етеді.