Қазақстанның Ұлттық құрамасы ФИФА рейтингінде жоғарылады

Қазақстанның Ұлттық құрамасы Халықаралық футбол қауымдастықтарының федерациясы (ФИФА) жариялаған рейтингте үш сатыға көтерілді.

Ұлттық құрама наурыз айында Еуро-2024 іріктеу кезеңі аясында екі ойын өткізген болатын. Словенияға қарсы өткізген ойында отандастарымыз 1:2 есебімен өз алаңында жеңіліп қалған болатын. Ал, Дания құрамасымен болған кездесуде жерлестер сенсация жасап, Дания құрамасын 3:2 есебімен жеңіп кеткен болатын.

Жаңа рейтинг бойынша ұлттық құрама бүгінде 112-ші сатыға көтерілген. Көш басында – аргениналықтар. Одан кейінгі сатыда француздар, бразилиялықтар тұр.

Ербол ЕРБОЛАТ,

Ortalyq.kz