Қазақстанның 8 жоғары оқу орны әлемдік рейтингке кірді

Қазақстанның 8 жоғары оқу орны әлемдік рейтингке кірді, деп хабарлайды Оrtalyq.kz Qazaqstan.tv телеграм каналына сілтеме жасап. 

QS World University Rankings by Subject 2023 ‒ әлемнің үздік университеттерінің пәндік рейтингіне барлығы 161 елден 1595 университет, оның ішінде 8 қазақстандық жоғары оқу орны қатысты.

Рейтингке кірген университеттер:

 – Л.Гумилев атындағы ЕҰУ;

– Satbayev University;

– Әл-Фараби атындағы ҚазҰУ;

– Абай атындағы ҚазҰПУ;

– Абылай хан атындағы Қазақ халықаралық қатынастар және әлем тілдері университеті;

– Suleyman Demirel University;

– Қожа Ахмет Яссауи атындағы Халықаралық қазақ-түрік университеті;

– Қазақ ұлттық аграрлық зерттеу университеті.

Айта кетейік, Еуразия ұлттық университетінің 3 пәні халықаралық рейтингтің алғашқы жүздігіне кірді. Олар – «Қазіргі заманғы тілдер», «Лингвистика», «Қонақжайлылық және демалысты басқару» пәндері.

Әлемдегі жоғару оқу орындарында оқытылатын пәндердің сапасын Ұлыбританияның Quacquarelli Symonds агенттігі бағалады.