Бас тақырыпРесми
«Қазақстан халқына» қоғамдық қоры 850 білім грантын бөлді
«Қазақстан халқына» қоғамдық қоры 2023-2024 оқу жылына 850 білім грантын бөлді.
Бағдарламаға қатысудың шекті жасы толық 29 жасты құрайды.
Аталған бағдарлама бойынша конкурсқа қатыса алады:
- Ағымдағы жылы ҰБТ тапсырған (қаңтар, наурыз, негізгі және тамыз ҰБТ сертификаттарының бірін ұсынуға болады) және ЖОО-ға түсу үшін шекті балдарды жинаған түлектер:
- ауылдық жерлердегі, шағын және моноқалалардағы жағдайы төмен отбасылардан шыққан адамдар;
- жетім балалар немесе кәмелетке толғанға дейін ата-анасының қамқорлығынсыз қалған балалар;
- мүгедектігі бар азаматтар;
- мүгедек балаларды тәрбиелеп отырған отбасылар;
- 2022 жылғы қайғылы қаңтар оқиғалары кезінде қаза тапқан ҚР азаматтарының балалары;
- 2022 жылғы қайғылы қаңтар оқиғалары кезінде жараланған балалар;
- төтенше жағдайлар кезінде зардап шеккен Қазақстан Республикасының қаза тапқан азаматтарының балалары.
10-17 тамыз аралығында конкурсқа қатысу үшін өтініш беруге болады.
Құжаттарды ЖОО-лардың қабылдау комиссиялары арқылы тапсыру керек.
Айта кетейік, грант иегері оқуын аяқтағаннан кейін оны өтеуге міндетті емес.
Толық ақпарат @qazaqstanhalqyna.kz қорының сайты мен әлеуметтік желілерінде жарияланған.
Аида РАХЫМҚҰЛОВА,
ortalyq.kz