Қазақстан Біртұтас электр энергетикасы жүйесіндегі жағдай мәз емес 

Қазақстанның энергетикалық жүйесінің Солтүстік, Оңтүстік және Батыс аймағында «Апаттық» режимі жариялды, деп хабарлайды Ortalyq.kz KEGOC сайтына сілтеме жасап.

«Ағымдағы жылдың желтоқсан айында Қазақстанның Біртұтас электр энергетикасы жүйесінде (БЭЖ) энергия тұтыну көлемінің айтарлықтай өсуі байқалады.

Мәселен, 2022 жылғы 07 желтоқсанда қазақстандық энергожүйенің күллі тарихындағы тұтынудың ең жоғары көрсеткіші тіркелді – 16 459 МВт тіркелді, бұл ретте еліміздегі электр станцияларының жиынтық генерациясы тек 15 203 МВт құрады. Тапшылық Ресей энергожүйесінен келген жоспардан тыс қуат ағыны есебінен жабылып отырды.

Осындай жоғары жүктемелер кезінде «KEGOC» АҚ пайдаланатын Ұлттық электр торабы штаттық режимде сенімді жұмыс істеді.

Электр энергиясы мен қуатқа деген қажеттілікті жабу үшін генерацияның жүйелі жетіспеушілігі ҚР электр станцияларында жиі апаттық және жоспардан тыс жөндеу салдарынан туындайды.

Айтарлықтай теңгерімсіздік туындаған жағдайда Жүйелік оператор Қазақстан БЭЖ-нің сенімді жұмысын қамтамасыз ету мақсатында ірі өнеркәсіптік кәсіпорындардың электр энергиясын тұтынуына шектеу енгізе отырып, қазақстандық энергожүйенің Солтүстік, Оңтүстік, сондай-ақ Батыс аймағы бойынша «Апаттық» режимін жариялауға мәжбүр.

Бұл ретте Жүйелік оператор халықтың электр энергиясына қажеттілігін толық қамтамасыз етуге басымдық береді», — делінген хабарламады.