Астанада «Балапан» телеарнасының ұйымдастыруымен «ibars» зияткерлік бағдарламасының онлайн кастингі өтті. 700-ден астам үміткерлер қатысып, 180 бала арасындағы іріктеуден 5 жастағы бүлдіршін Мойынты мектебінің мектепалды даярлау сыныбының тәрбиеленушісі – Алима Болат биіктен көрінді.
«Ibars» бағдарламасы – балалардың зияткерлік, танымдық, есте сақтау, шығармашылық дағдыларын дамытып, талантты балалардың талабын ұштап, танылуына мүмкіндік береді. Тапсырмалар мектепке дейінгі тәрбие мен оқытудың үлгілік оқу бағдарламасына сәйкес құрастырылған.
Жоба топтық форматта өтті. Үш қатысушыдан құрылған 20 топ өзара сайысқа түсті. Қарағанды облысының балапандары, оның ішінде, Алима Болат ойындарға белсенді қатысып, алғырлық танытқаны үшін Алғыс хатпен марапатталды. Жоба «Балаларды қоғау» күнінде «Балапан» телеарнасының эфиріне шығады. Балақайлардың жұлдыздары жана берсін!
Халима ҚҰРЫМБАЕВА,
Мойынты мектебінің мектепалды даярлау сыныбының тәрбиешісі.
Шет ауданы
