Ата Заң қағидаларын іске асыру – ортақ міндет

Қазақстан Республикасының Конституциясы – мемлекеттің саяси, құқықтық және әлеуметтік жүйесін нығайтудағы басты құжат. Конституциялық нормалар әрбір азаматтың құқықтары мен бостандықтарын, соның ішінде білім алуға құқығын, нақты бекітеді. Бұл елдің тұрақты дамуы, әділетті қоғамның қалыптасуы және әр азаматтың әлеуметке белсенді қатысуы үшін негіз болып табылады.

Жоғары оқу орындары – интеллектуалды әлеуетті қалыптастыру, ғылыми зерттеулер жүргізу, инновацияларды дамыту және жастардың азаматтық белсенділігін арттыру орталығы. Білім беру жүйесі, әсіресе жоғары білім саласы, қазіргі заманғы талаптарға сай мамандарды даярлау арқылы экономиканың түрлі салаларына, ғылым мен технологияға, мемлекеттің әлеуметтік-экономикалық дамуына тікелей үлес қосады.

Конституциялық реформа заманы жоғары оқу орындарының қызметін жаңғыртуға, ғылыми ойдың дамуына, жаңа технологияларды енгізуге және бәсекеге қабілетті мамандарды даярлауға мүмкіндік береді. Әрбір университет – мемлекеттің тұрақты дамуына үлес қосатын білім мен ғылымның маңызды орталығы.

Ата Заңымызды құрметтеу, оның қағидаларын өмірде іске асыру – біздің ортақ міндетіміз және келешек ұрпақ алдындағы жауапкершілігіміз.

 Дастан МҰХТАРҰЛЫ
Ә. Сағынов атындағы Қарағанды техникалық университетінің физика кафедрасының меңгерушісі