Қасым-Жомарт Тоқаев Азия жазушылары форумының ашылуына қатысты

Қазақстан Республикасының Президенті Қасым-Жомарт Тоқаев І Азия жазушыларының форумының ашылу салтанатына қатысты. 

“Форумға қатысушыларға алғыс білдіремін. Жиын Елбасы Нұрсұлтан Назарбаевтың бастамасымен өткізіліп отыр. Халқымыз ұлттық тарих пен мәдениетті зерттеуге ерекше мән береді. Қазақ әдебиеті – халқымыздың құнды қазынасы. 30 жазушы мен 31 ақынымыздың шығармалары БҰҰ-ның алты тіліне аударылып, 90 елге таратылады. Бұл 2,5 миллион адам бұл шығармаларды оқиды деген сөз”, – деді Президент.