Қасіретті қаңтар: Алматы қаласының зардап шеккен бизнесмендері 16 млрд теңгеден астам қаражат алды
Агрессия еліміздің 11 өңірін қамтыды, бірақ негізгі соққы маңызды көлік және коммуникация тораптары шоғырланған еліміздің ірі қаласы мен қаржы орталығы – Алматыға қарсы бағытталды. Зардап шеккен кәсіпкерлерге 16 млрд теңгеден астам өтемақы төленген.
Қаңтар оқиғалары кезінде негізгі соққы Алматыда болды. 2022 жылдың 5 қаңтарында ҚР Президенті Қасым-Жомарт Тоқаев Қазақстан халқына шұғыл үндеу жасап, еліміздің аумағының жартысына жуығы тәртіпсіздіктерге ұшырағанын және Алматыда «Қауіпсіздік күштеріне жаппай шабуылдар жасалып жатқанын, олардың арасында қаза тапқандар мен жараланғандар, тонаушылар тобы әскери қызметкерлерді ұрып-соғып, дүкендерді тонап жатқанын» атап өтті.
Тәртіпсіздіктердің алғашқы күндерінде мұнда 300-ден астам орта және шағын бизнес нысандары зардап шекті, олардың ішінде 120 дүкен, 100-ден астам кеңсе және 80 қоғамдық тамақтану нысандары бар. Сонымен қатар, 33 арнайы көлік өртенді. Олардың ішінде 16 полиция көлігі, 7 жедел жәрдем, 2 өрт сөндіру көлігі, 7 жүк көлігі және жанармай таситын көлік бар.
Сондай-ақ, тәртіпсіздікке қатысушылар әкімдікке кіріп, Amanat партиясының кеңсесін тонап, прокуратура ғимаратын өртеп, Президенттің резиденциясына шабуыл жасады. Көптеген жерлерде өртенген және төңкерілген полиция көліктері, баррикадалар, броньды машиналар, қауіпсіздік күштері мен жедел жәрдемге шабуылдар, тонау болды.
Алматы комендатурасының ақпарат орталығының мәліметінше, экстремистер қалада тонау әрекеттерін жасап, бизнеске орасан зор зиян келтірген.
