Ashyq жобасынан кәсіпкерлер неге шығарылады?

Еліміздегі 74 мың кәсіпкерлік объектісі бүгінде Ashyq жобасына қосылған. Дегенмен, карантин тәртібін бұзған кәсіпкерлік иелері жобадан шеттетіледі. Бұл туралы облыстық кәсіпкерлер палатасының директоры Ернар КҮЛПЕЙІСОВ брифингте айтты.

Бес критерий бойынша, мысалы, жұмыс уақыты белгіленген уақыттан асып кетсе; отбасылық, мерейтойлық іс-шаралар (банкеттер, үйлену тойлары, мерейтойлар қашықтық) бетперде режимі сақталмаса және келушілер белгіленген адам санынан асып кеткен жағдайда жобадан шеттетіледі.

1 шілдеден бастап барлық рейд infokazakhstan.kz сайтында тіркелуде. Нысанның атауы мен нақты мекен-жайы, сондай-ақ бақылау тобының құрамы көрсетілуі тиіс. Кәсіпкер сауда нүктесіне жоспарланған сапар туралы алдын ала білмейді, бірақ ол QR кодын қолдана отырып рейдтің заңдылығын тексере алады. Жүйеге тіркелгеннен кейін топқа рейд жүргізуге 24 сағат уақыт беріледі. Мониторинг туралы есеп электронды түрде қалыптастырылады. Бұдан басқа, оларды Ashyq жобасынан шығаруға болатын тағы екі тармақ бар: 1) Егер сіздің мекемеде QR кодтары сканерленбесе; 2) Егер сіздің объектіңізде жұмысқа рұқсат беретін құжаттар болмаса (сәйкестік сертификаты, санитарлық-эпидемиологиялық қорытынды). Алғаш рет объект жобадан бір аптаға, қайталанған бұзушылық үшін – 2 апта, үшінші бұзушылық – 1 айға шығарылады. Көшбасшылар кімдер? Ұлттық кәсіпкерлер палатасы жағдайды бақылауды жалғастырады, ұсыныстарды әзірлеу үшін Үкіметпен кездеседі және адал жұмыс істейтін мекемелерге жұмыс орындарын үнемдеу және бизнесті жоғалтпау үшін Ashyq жобасына енуге көмектеседі. Бүгін Ashyq жобасының көшбасшысы болу үшін «қызыл» және «сары» мәртебесі бар азаматтарды нысандарға кіргізбеу және келушілерді адал ниетпен тіркеу қажет. Қазақстанның бас санитарлық дәрігерінің жаңа қаулысында «Ashyq Leaders» мәртебесін беру алгоритмі белгіленген. Айта кету керек, Ashyq жобасының «жасыл» және «қою қызыл» аймақтардағы көшбасшылары жұмыс уақытын қосымша 2 сағатқа ұзартады.

Әдебиет БЕЛГІБАЙҰЛЫ.