Жаңалықтар
Ашық аспан астында
Наурыз мерекесіне орай урбанистика орталығы кезекті көше жәрмеңкесін ұйымдастырады. Шара 22-23 наурыз күндері сағат 15:00-22:00 аралығына жоспарланған. Ұйымдастырушылар жәрмеңкенің мерекелік атмосфераға қанық болатынын айтып, ашық аспан астындағы шараға шақырады.
«Сізді дәмді «көше», фототаспа, диджей-сет, квиз, ұлттық тағамдар, жүлделер ұтысы және тағы басқалар күтеді. Мерекеге жарқын және мәдени реңк қосыңыз! Бұл күні ұлттық костюмдер мен киім элементтерін құп көреміз» делінген урбанистика орталығы таратқан хабарламада.
Іс-шара Қарағанды облысының мәдениет, мұрағаттар және құжаттама басқармасының, Қарағанды қаласының ішкі саясат бөлімінің және Қазыбек би атындағы аудан әкімдігінің қолдауымен өткізіледі.
Өз тілшімізден
