“Ән керуен” концерті өтеді

12 наурыз күні сағат 15:00-де “Шалқыма” концерт залында “Ән керуен” концерті өтпек. Аталмыш кеште өнер сүйер қауым назарына жергілікті сазгерлердің шығармалары ұсынылады.

“Ән керуен” концертіне Жақсыкелді Кемалов, Ержан Базарбеков, Сержан Мұсайын, Дәуренбек Әркенов, Гүлмира Тапай, Дулат Аханов, Сырым Хордин, Медет Осатаев және  тағы да басқа өнерпаздар қатысады. Сондай-ақ, “Мерей” және “Арай” триосы, “Арқа сазы” фольклорлық ансамблі және “Аққу” фольклорлық-хореографиялық ансамблі де өнер көрсетеді деп жоспарлануда.

Билеттерді “Шалқыма” к/з кассаларынан және ticketon.kz сайтынан сатып алуға болады.

Ербол ЕРБОЛАТ,

Ortalyq.kz