Қарағандылықтар University League – 2024 чемпионы атанды
Футзалдан студенттер арасында University League – 2024 Қазақстан чемпионаты өткен болатын. Оған Әбілқас Сағынов атындағы Қарағанды техникалық университетінің құрамасы қатысып, университет тарихында тұңғыш рет чемпион атанды. Одан бөлек, команда мүшелері Кирилл Дуров турнирдің «Үздік шабуылшысы» атанса, Жарқынбек Рыспеков «Үздік» қақпашы атағын жеңіп алды.
Турнирге қатысқан 10 команда екі топқа бөлінген. Жерлестеріміз өз тобында төрт ойын өткізіп, үш жеңіс және бір тең ойын қорытындысымен жартылай финалға жолдама алады.
– Жартылай финалда біз AITU астаналық командасын 4:1 есебімен жеңдік. Соңғы ойында қарсыласымыз Алматыдан келген Тұран университеті болды. Бірақ, біз оларды 5:1 есебімен ойсырата жеңіп, ешқандай мүмкіндік қалдырмадық. Осылайша университет тарихында тұңғыш рет ел чемпиондары атандық, – деді құрама команда жаттықтырушысы Ерлан Оқасов.
Ербол ЕРБОЛАТ,
Ortalyq.kz
