Қарағандылық құтқарушы Alash Pride турнирінің жеңімпазы атанды
Қарағанды облысы төтенше жағдайлар департаментінің қызметкері Санжар Әділов Шымкентте өткен Alash Pride турнирінің басты шайқасында жеңіске жетіп, чемпион атанды.
Санжар жекпе-жекті техникалық нокаутпен аяқтап, үздік өнер көрсетті.
– Санжар Әділовтың жетістіктері қайсарлықтың, тәртіптің және жақсылыққа ұмтылудың үлгісі болып табылады. Оның жеңісі спорт шеберлігінің жоғары деңгейін көрсетіп қана қоймай, Қазақстан Республикасы Төтенше жағдайлар министрлігінің беделін нығайтуға септігін тигізеді, – деді департаменттің баспасөз қызметі.
Санжардың өзі де алғысын білдіріп, басшылықтың түсіністігінің арқасында осындай қиын қызметті спортпен ұштастырып жүргенін атап өтті.
– Төтенше жағдайлар министрлігінің басшылығына маған сенім білдіріп, қолдау көрсетіп, түсіністік танытқаны үшін шын жүректен алғыс айтамын. Жасалған жағдайдың арқасында жақсы нәтижелерге қол жеткізіп, қызмет пен спортты қатар алып жүрмін. Маған деген сенімдеріңіз мені қызметте де, рингте де жаңа жеңістерге жеткізеді, – деді ол.
Сондай-ақ лигадағы үздік файтерлердің бірі атанған Санжар министрліктің қолдауы спортпен айналысатын барлық қызметкерлер үшін маңызды ынталандыру болып табылатынын және құтқарушылар арасында салауатты өмір салтын насихаттауда басты рөл атқаратынын баса айтты.
Ілияс ДҮНГЕНБАЙҰЛЫ.
