Қарағандылық спортшылар Хорватияда топ жарды

Хорватияның Задар қаласында джиу-джитсудан өткен әлем кубогінде Қазақстан ұлттық құрамасының құрамында татамиге Қарағанды облысынан алты спортшы қатысты. Жарыста жерлестер Ажара Салықова мен Ариана Байсеркеева І орынды жеңіп алды.  ІІ орынды  Жігер Алматы иеленсе, ІІІ орын Асылмұрат Сағындыққа бұйырды.

Қазақстандық спортшылар 20-дан астам қатысушы елдер арасында  жалпыкомандалық есепте екінші орынға ие болды. Ал, ересектер санатында ұлттық команда бірінші орынды иеленді. Турнирдің чемпиондары Ариана Байсеркеева мен Ажара Салықова көрермендердің назарын аударды.

18 жастағы Ариана 57 келіге дейінгі салмақ дәрежесінде сенімді үш жекпе-жек өткізіп, алтын жеңіп алды.

–Қызымның джиу-джитсумен айналысқанына үш жыл болды. Бұрын  Шығыс билерімен айналысатын. Қазіргі таңда  ол спорт шеберіне кандидат, ұлттық құраманың спортшысы, – деді анасы Елена Байсеркеева.

Аяулым СОВЕТ