Қарағандыда жастарға арналған жарқын спорттық шара өтеді

13 маусым күні орталық саябақта жаздың ең жарқын спорттық шараларының бірі – еңбек жастары арасындағы «ЯРКОКРОСС МАРАФОНЫ» өтеді. Жарысқа 18–35 жас аралығындағы еңбек жастарының өкілдері – шахтерлер, металлургтер, құрылысшылар, дәрігерлер, мәдениет, туризм, спорт және басқа да салалардың қызметкерлері қатыса алады.

Қатысушыларды тек жүгіру ғана емес, түрлі-түсті шоу күтіп тұр. «Келешек» жастар кеңесінің төрайымы Аймира Баграмованың айтуынша, марафон түрлі-түсті ұнтақтарды пайдалана отырып, жаппай жүгіру форматында өтеді.

– Әр учаскеде жүгірушілерге белгілі бір түсті бояу шашылады, – дейді ұйымдастырушы. – Барлығына ақ жейде беріледі.

Сонымен қатар, қатысушылар күш пен ептілікті сынайтын спорттық жарыстарға да қатыса алады. Байқауда жеңіске жету үшін демеушілер тарапынан сыйлықтар қарастырылған. Сондай-ақ, фотоаймақ жұмыс істейді, фотобудка орнатылады, онда қатысушылар жарқын сәттерді есте сақтай алады.

Жарыс сағат 11:00 басталады. Тіркеу және жаттығу – басты сахна жанында сағат 10:30-да. Қатысу тегін.

Марафон Қарағанды әкімдігінің, Қарағанды облысының кәсіподақ орталығы жанындағы «Келешек» жастар кеңесінің, ҚР Кәсіподақтар федерациясының және «Kemel Keleshek» жастар ұйымының қолдауымен өткізіледі.

Материалды әзірлеген Аида РАХЫМҚҰЛОВА