Қарағандыда заңсыз ойын бизнесін жүргізген дәмхана анықталды

Қарағанды облысы бойынша Экономикалық тергеу департаменті қала дәмханаларының бірінің жертөлесінде ақша үшін покер ойынын ұйымдастырған топтың заңсыз әрекетін анықтады. Дәмхананы  тінту кезінде олардан: покер, чип, карта ойнауға арналған арнайы ойын үстелі, ойынға қатысушылардың ұялы телефондары, ноутбук, бейнетіркегіш, жазбалары бар блокноттар және басқа да керек-жарақтар табылып, тәркіленді.

– Аталған факті бойынша Қарағанды облысы бойынша Экономикалық тергеу департаменті Қазақстан Республикасы Қылмыстық кодексінің 307-бабы 2-бөлігі 2-тармағы бойынша  («Адамдар тобының заңсыз ойын бизнесін ұйымдастыру»)  сотқа дейінгі тергеуді тіркеді. Қазіргі уақытта  тергеу аяқталып, сотқа жолданды, сот үкімі күтілуде, – деп хабарлады ведомстводан.

Ілияс ДҮНГЕНБАЙҰЛЫ.

Видео: Экономикалық тергеу департаментінен