Қарағандыдағы жағдай арнайы прокурорлар назарында
Мұның алдында Қазақстан Республикасы Бас прокуратурасының баспасөз қызметі балалардың тамақтан улануына байланысты тергеу басталғанын мәлімдеген еді. 31 шілде күні Қылмыстық кодекстің 304-бабының 2-бөлігі (ауыр зардаптарға әкеп соқтырған санитарлық ережелерді немесе гигиеналық нормативтерді бұзу) бойынша сотқа дейінгі тергеу басталды.
Қылмыстық іс Қарағанды облысы прокуратурасының арнайы прокурорларының бақылауында. Сондай-ақ, тергеуге құқық қорғау және арнайы органдардың тәжірибелі қызметкерлері жұмылдырылып, ведомствоаралық жедел-тергеу тобы құрылғаны айтылған. Тергеу шеңберінде жауапты лауазымды тұлғалардың іс-әрекеттеріне тиісті құқықтық баға берілетін болады.
Қарағанды облысының балаларға арнаулы әлеуметтік қызмет көрсету орталығында 11-17 жас аралығындағы 160 бала бар. Зардап шеккен 14 баланың алтауы – жетім, төртеуі толық отбасынан. Тағы төртеуінен ата-анасы бас тартқан. Орталық тұрақты күтім мен медициналық қызметке мұқтаж психоневрологиялық патологиясы бар мүгедек балаларға арналған.
Жансая ОМАРБЕК,
Ortalyq.kz
Автордың «Кінәлілер жазадан құтылмайды» атты мақаласынан.
