Қарағандыдағы тұрғын үйлердің бірінде газ жарылды

Оқиға 21 қаңтар күні сағат 18:51-де Щорс көшесі, 37 үйде 2 қабатты тұрғын үйде газ баллоны (көлемі 5 л) жанбай жарылып, одан кейін №6 пәтер (2-қабатта) және жартылай №4, 5 (2 қабатта) және 3 пәтерде (1-қабатта) алдын ала алаңы 36 шаршы метр аумақта ағаш төбесі мен қалқалар опырылған.

Салдарынан 1970 жылы туған ер адам мен 1971 жылы туған әйел адам дене жарақатын алып, олар күйік жарақатымен Қарағанды ​​қаласының облыстық медициналық орталығына жатқызылды.

Оқиға орнына ТЖД күштері (36 қызметкер мен 8 техника) жұмылдырылды.

Құтқарушылар құлау қаупі бар құрылыс бөлшектерін демонтаждау бойынша жұмыс жүргізді.

Қала әкімдігі баспаналары бүлінген тұрғындарға жатақханадағы орындарды ұсынды. Оқиғаның мән-жайы анықталуда.

ortalyq.kz