Қарағандыда «Таза Қазақстан» аясында көктемгі тазалық жұмыстары қарқынды жүргізілуде

Таза Қазақстан жалпыұлттық жобасы аясында Қарағанды қаласында көктемгі санитарлық тазалық жұмыстары жүйелі түрде жалғасуда.

Қазіргі уақытта қала көшелеріндегі тротуарларды қысқы кезеңде пайдаланылған құм мен көктайғаққа қарсы қоспалардың қалдықтарынан тазарту жұмыстары қарқынды жүргізілуде. Бұл шаралар жаяу жүргіншілердің қауіпсіздігін қамтамасыз етіп қана қоймай, қаланың эстетикалық келбетін жақсартуға да бағытталған.

Тазалық жұмыстары жаяу жүргіншілер аймақтарын, қоғамдық көлік аялдамаларын, іргелес аумақтарды және адам көп шоғырланатын учаскелерді толық қамтып отыр. Коммуналдық қызметтер арнайы техника мен жұмыс күшін тарта отырып, күн сайын белгіленген кестеге сәйкес жұмыстарды жүзеге асыруда.

Аида РАХЫМҚҰЛОВА 
Ortalyq.kz