Қарағандыда тұрмыстық зорлық-зомбылықтың алдын алуға арналған акция өтуде
Қарағанды полициясы қоғамдық орындарда «Тұрмыстық зорлық-зомбылық профилактикасы туралы» Заңның күшіне енгенін хабарлап, ол үшін жазаның күшейгені туралы түсіндірме жұмыстарын жүргізуде. Сондай-ақ олар тұрмыстық зорлық-зомбылық құрбандарына дағдарыс орталықтары, психологтар мен заңгерлер көмек көрсететінін түсіндірді.
– Мұндай шараларды жиі өткізіп тұру керек, адамдар жақынын ұрғанның жазасы барын, құзырлы қызметке жүгіне алатынын білуі керек, – деп өз ойын бөлісті қарағандылық Виктория Лисневская.
Ал, тұрғындар алдында сөз алған полиция бөлімінің мамандары:
– Жақындарыңыздың, көршілеріңіздің немесе достарыңыздың бақытсыздығына бей-жай қарамаңыз, оларға көмектесіңіз, көмек қолын созыңыз. Тұрмыстық зорлық-зомбылық туралы үндемей қалуға болмайды, – деді.
Акцияға полицейлермен бірге Қарағанды қаласының Отбасын қолдау орталығының мамандары қатысты.
Ілияс ДҮНГЕНБАЙҰЛЫ.
