Қарағандыда Міржақып Дулатұлы атындағы мешіт ашылды
Жаңа мешітте 200 адам еркін ғибадатын өтей алады. «Карабасская» 110 мекен-жайында орналасқан мешітте намазхана залынан бөлек, имамдар бөлмесі және 200 адамдық асхана бар.
Жаңа мешіттің ашылу салтанатында мемлекет және қоғам қайраткерлері, ақсақалдар бата берді.
– Қарағанды облысында мешіттер қатары көбейіп келеді. Осы мешіттің бой көтеруіне атсалысқан арда азаматтарға Алла разы болсын! Кәсіптеріне береке, отбасыларына амандық тілеймін, – деп атап өтті Қарағанды облысының бас имамы Естай Айтуғанұлы.
Құлшылық үйінің салынуына демеуші болып, игі істің басы-қасында жүрген Аян Шермағанбетов Бас мүфти Наурызбай қажы Тағанұлының Алғыс хатымен марапатталды.
Жаңа мешітке ҚМДБ-ның төрағасы, Бас мүфти Наурызбай қажы Тағанұлының бұйырығымен Жасұлан Манапұлы имам болып тағайындалды. Ашылу салтанатынан кейін, жиналған жамағатқа дастархан жайылып, ас берілді. ⠀
⠀
Аяулым СОВЕТ
