Қарағандыда іздеуде жүрген Жетісу тұрғыны ұсталды

ПД баспасөз қызметінің мәліметінше, Қарағанды жедел басқару орталығының қызметкерлері жылы аялдамалардың бірінде қоғамдық тәртіптің бұзылуын байқап, оқиға орнына дереу жеткен полиция экипажы құқық бұзушылардың жеке басын анықтау үшін полиция бөлімшесіне жеткізген.

Тергеу барысында ұсталғандардың бірі Жетісу өңірінің тумасы екені және іздеуде жүргені анықталды. Тергеу мәлім еткендей, ер адам пробациялық бақылаудан жалтарып, бұрын жасаған ұрлығы үшін сот тағайындаған жазаны өтемеген. Қазіргі таңда ұсталған азамат тергеу және пробациялық қадағалауды қалпына келтіру үшін тиісті органдарға тапсырылды.

Ілияс ДҮНГЕНБАЙҰЛЫ.