Қарағандыда Халықаралық тен­нис турнирі өтіп жатыр

Қарағанды қаласында өтіп жатқан ITF – J60 сериясы KA­RAGANDA OPEN 1 Халықаралық тен­нис турнирінде 100-ден астам спорт­шы өнер көрсетуде.

Жарыс 6 күнге созылады. Додада Қазақстан, Ресей, Өзбекстан, Беларусь, Қытай және Чехия спортшылары бақ сынауда. Негізгі кестеде қарағандылықтар Яна Ким мен Родион Трайгель ойнайды.

– Қарағандының корттары – өте ың­ғайлы және ішкі жағдайы да жоғары. Сон­дықтан, турнирді осында өткізіп жатырмыз. 15-17 жас аралығындағы теннисшілер жеке және жұптық жарыстарда өнер көрсетеді. Бұл – шетелдіктер мен жергілікті спортшылар үшін өз деңгейлерін көрсетуге жақсы мүмкіндік. Жарыс Juniors санатында әлемдік рейтингте көтерілуге мүмкіндік береді, – дейді турнир директоры Дина Нұрпейісова.

Ербол ЕРБОЛАТ,
Ortalyq.kz