Қарағандыда екі жүк көлігі өртенді

Қарағандыда екі жүк көлігі өртке оранып, 60 шаршы метр аумақты шарпыған. Ал, қос көліктің жанғыш бөлшектері түгел жанып кеткен.  

Мәселенің мән-жайына келсек, «Scania» және «Volvo» жүк көлігі бір-бірімен соқтығысқан. Содан соң қос көлік өртке оранады. Яғни, көліктердің жанғыш бөліктері өртенген. Оқиға орнына өрт сөндірушілер дер кезінде келіп, өртті ауыздықтайды. Нәтижесінде, қаза тапқандар мен зардап шеккендер жоқ.

Төтенше жағдайлар департаменті мамандарының сөзіне сүйенсек, жоғары температураның салдарынан бір тіректегі екі бағдаршамның корпусы зақымданған.

Ербол ЕРБОЛАТ,
Ortalyq.kz