Қарағандыда бес автобустың қозғалыс бағыты өзгерді

Бүгін, 9 қазанда Қарағандыда Липецк пен Анжерская көшелерінде асфальт төсеу жұмыстары басталды. Осыған байланысты Ермеков көшесінен Қазтұтынуодағы университетіне дейінгі жол учаскесінде орташа жөндеу жүргізілуде.

Қала әкімдігінің мәліметінше, жөндеу кезінде қоғамдық көліктердің қозғалыс сызбасы уақытша өзгертілді.

Атап айтқанда, №30, №012, №19, №31 және №44 бағыттағы автобустар айналма жолмен қатынайды. Жүргізушілер мен жолаушыларға бағыт сызбасындағы өзгерістерді ескеріп жүруі тиіс.

Аяулым СОВЕТ