Қарағандыда қатерлі ісікті ерте анықтауға мүмкіндік бар

Қарағанды тұрғындары үшін онкологиялық ауруларды емдеу мен диагностикалау бұрынғыдан да қолжетімді бола түсті. Өңірде жаңа сәулелік терапия орталығы іске қосылды. Науқастар заманауи технологияның көмегімен ем ала алады.

Бұдан бөлек, онкологиялық орталықтарды жабдықтауға 31 млрд теңге бөлінді.

Сонымен қатар, 39 млрд теңгеге инвестициялық келісімдер жасалып, Ақтау, Ақтөбе, Қарағанды, Қызылорда және Өскемен қалаларында ПЭТ/КТ орталықтарын орнату жоспарлануда.

Қатерлі ісіктерді ерте анықтау мақсатында өңірлік онкологиялық орталықтарының базасында 17 сараптамалық эндоскопиялық орталық ашылды. Нәтижесінде онкологиялық ауруларды ерте кезеңде анықтау деңгейі 31,4%-ға жетті.

Мұндай қадамдар Қарағанды аймағындағы тұрғындардың сапалы әрі заманауи ем алуы үшін маңызды мүмкіндік.

Жамал АКПАРОВА