Қарағандыда 1,5 миллионға жуық біржылдық гүл егіледі

Қарағандының саябақтары мен гүлзарларына және басқа да жасыл аймақтарына 1,5 миллионға жуық біржылдық гүл егілмек. Қазіргі уақытта гүл егуге дайындық жұмыстары жүргізілуде. 

Жұмысшылар қазіргі уақытта гүлзарларды жөндеп, әктеп, бояуда. Жер жыртып, арамшөп жұлу жұмыстарын жүргізуде.

– Жыл сайынғы гүлдерді мамыр айының соңына қарай егеміз. Өйткені жақын арада аяз күтілуде. Шамамен 1,5 миллион гүл отырғызамыз. Биыл біздің балансымыздағы аумақ ұлғайды. Қарағандының барлық алаңдары мен саябақтарына біздің жұмысшыларымыздың күшімен гүл егіледі. Суаруды қамтамасыз етеміз, – деп хабарлады қалалық саябақтар мен гүлзарлар басқармасының баспасөз қызметі.

Сондай-ақ, ағаш егу үшін шұңқыр қазып, жасыл желектерді суғарып, көшеттерді байлауда.

Алдағы уақытта Оңтүстік-Шығыста, Майқұдықта гүл вазондары орнатылады.

Ербол ЕРБОЛАТ,
Ortalyq.kz