Бас тақырып
«Қарағанды-Түркістан» әуе рейсі іске қосылады
Енді қарағандылықтар үшін еліміздің рухани астанасы және киелі жер, мұсылман атаулы тәу етіп барып, зиярат қылатын құтты, қасиетті мекен Түркістан жақындай түсті. Көлік министрлігі ішкі туризмді дамыту мақсатында Түркістан бағытында ұшатын әуе рейстерінің көбейгенін хабарлады.
13 қаңтардан бастап, «Қарағанды-Түркістан» бағыты бойынша екі субсидияланған рейс ашылады. Әуе сапарларын «Qazaq Air» отандық лоукостері іске қосты.
«Қарағанды-Түркістан» рейсі аптасына екі рет ұшады.
Дүйсенбі күндері:
IQ 441 Түркістан (09:50) – Қарағанды (11:40)
IQ 442 Қарағанды (12:20) – Түркістан (14:00)
Сәрсенбі күндері:
IQ 441 Түркістан (12:10) – Қарағанды (14:00)
IQ 442 Қарағанды (14:40) – Түркістан (16:40)
Бағасы бір бағытқа 20 мың теңге деп белгіленіп отыр. Сондай-ақ, субсидияланатын әлеуметтік маңызы бар әуе рейстерінде 14 жасқа дейінгі балаларға әуекомпания 50% жеңілдік ұсынады.
Айта кетейік, «Qazaq Air» әуе компаниясы 4 қаңтардан «Қостанай-Түркістан» бағытында және 13 қаңтардан «Қарағанды-Түркістан» бағытында екі субсидияланатын әуе рейсін іске қосты. Осылайша қасиетті Түркістанға сапарлаған жолаушының саны артпақ.
Аида РАХЫМҚҰЛОВА,
Ortalyq.kz
