Қарағанды облысынының кейбір жолдарын су басты
ҚазАвтоЖол Қарағанды облысындағы су тасқыны туралы ақпарат таратты.
– 2024 жылғы 25 наурызда сағат 17:50 шамасында ауа райының тез жылынуы мен қардың еруі салдарынан «Қарағанды-Аягөз-Тарбағатай-Бұғаз» автожолының 23+800 шақырымында су тасқыны орын алды (жақын елді-мекен Көкпекті ауылы, Бұхар жырау ауданы). Жол ІІІ санатқа жатады, су тасқынның ұзындығы 30 метрді, биіктігі 5 см құрады. Аталған учаскеде диаметрі 1 м болатын су өткізгіш құбыр орналасқан, – дейді ҚазАвтоЖол мамандары.
«ҚАЖсервис» ЖШС ҚӨФ ДЭУ-46 мамандары уақытша жол белгілері мен сигналдық тіректерді орнату бойынша жұмыстарды атқарды. Аталмыш шараға 2 бірлік техника мен жеке құрамның 5 адамы жұмылдырылды. Жолдарды су басу қаупі бар жоғары аумақтарда тәулік бойы бақылау және тексеру жұмыстары жүргізілуде. Қазіргі таңда жолды шайып кету қаупі мен қозғалыс шектеулері жоқ.
Аида РАХЫМҚҰЛОВА,
Ortalyq.kz
